Çdo skaj i etnisë është pikëmbështetja e ekzistencës sime si krijues e njeri.... megjithëse nuk kam pasaportë dhe nuk jam nga ata që kanë shumë atdhe. Një e kam, por i zaiftë. Do të bëhet më mirë. Ne nuk dorëzohemi aq lehtë.Krijimi i një krijuesi përfundon me ikjen e autorit. Un jam shpirt i shqetësuar. Një fjalë, një figurë më mundon tërë jetën.Duhet të shkoj në Paris dhe në Amerikë në promovimin e librave dhe nuk kam pasaportë. Të serbëve nuk dua ta marr.... pasaportë të vendit amë nuk kam.Unë jam një shpirt i parahatueshm. Kurrë nuk kënaqem me veten, as do të kënaqem. Krijimtaria është diçka e tmerrshme, tërmet njerëzor.Do të shkojmë në Vlorë e nuk do të ngopemi me të.Nuk kam shqiptar për të humbur. Të këqinjtë mbesin vet udhës sonë, e cila nuk di ku do të përfundojë.Poezia për mua është shtëpia ime, ku ndërtoj vazhdimisht dhe pa prerë.

ALI PODRIMJA

SHPREHESI TE STRUKTURAVE

M. Kyçyku bën ndërlidhjen ndërmjet letërsisë së vjetër shqipe dhe letërsisë së re. Veprën e tij e përshkon fryma fetare, si dhe në letërsinë e vjetër. Një meritë e veçantë e tij është shfrytëzimi i gjuhës së gjallë dhe i poezisë popullore. M. Kyçyku është ndër poetët që i përgatitën terrenin Naim Frashërit, i cili sigurisht e ka njohur veprën e tij.".

Muhamet KucukU-Cami Vepra Letratre Dhe Studime Per te

Intervista është një mënyrë komunikimi bashkëkohore universale nëpërmjet së cilës sqarohen drejtpërdrejt para të interesuarve probleme të caktuar. Të lexuarit dhe të parët me sy, të dëgjuarit me vesh të të intervistuarit, me anë të mediave, krahas popullarizimit, krijojnë intimësi dhe rritin përgjegjësinë e tij për ato që thotë, sepse, pas kësaj, do të jetë i ballafaquar me publikun. Shkrimtarët dhe artistët, të mbështjellë me një tis magjie, si pasojë qoftë e ndikimit të madh të veprave të tyre, qoftë e fantazisë subjektive të adhuruesve, me anë të bisedës bëhen “tokësorë”, të afërt, më të kuptueshëm, dhe, gjithsesi, më të mundshëm për t’u familjarizuar, prekur, pse jo edhe për t’u barazuar me ta. 
Po intervistuesi, cili do të duhet të jetë? Cili është roli, ndihmesa e tij?

Une Krijues Dhe Vepra

Historiografi, risi, shformime është vazhdim i librit Pas eklipsit letrar (2014), në rrafshe dhe për dukuri të tjera të letërsisë shqipe bashkëkohore. 
Në fushën e historiografisë janë trajtuar disa koncepte dhe çështje themelore të letërsisë shqipe bashkëkohore: bashkëkohësia, metoda e realizmit socialist, disidenca, mjediset shoqërore kulturore të krijimit të saj, njësia kombëtare, bashkëjetesa mes realizmit, realizmit socialist, modernizmit, kritere të hartimit të historiografisë së letërsisë, periudhizimi, kohështrirja e kësaj periudhe. Risitë janë dukuri, që shënojnë dhe dallojnë njërën periudhë nga tjetra, përcaktojnë tiparet, arritjet e saj. Prej risive janë analizuar modernizmi bashkëkohor në poezinë dhe romanin shqiptar, epërsia e romanit në letërsinë shqipe, dukuria kryesore e bashkëkohëzimit me letërsitë e tjera europiane, analogjia, simbolika, alegoria, ironia, shumëformësia e trajtave rrëfimore në romane të Ismail Kadaresë, Vath Koreshit, Mehmet Krajës, Zejnullah Rrahmanit.

Prej shformimeve shoqërore, botëkuptimore, morale, estetike, letrare të metodës së realizmit socialist, në vitet 1945-1990, të mishëruara në jetë, veprimtari, veçanërisht në krijimtari janë analizuar dyzimi psiko-moral e letrar i shkrimtarit me pasojat edhe në disa vepra konkrete të Ismail Kadaresë, Petro Markos, Dhimitër Xhuvanit, Mehmet Myftiut, Koço Kostës.

Historiografi, Risi, Shformime

Kadare në gjuhët e botës, në dyzet e pesë gjuhë libër me Autor: Bashkim Kuçuku Shtëpia botuese "Onufri", faqe 498. Viti i botimit 2015. 
Përplotësimi i tretë i "Kadare në gjuhët e botës" ka qenë mjaft befasues. Nga 637 botime në 35 gjuhë, që kishte i dyti, janë njëjtësuar 664 të tjera, gjithsej 1301, në 45 gjuhë, ose, dyfishi i tyre. Nga 23 vepra kritike e studimore, 8 në frëngjisht, 1 holandisht, 1 në spanjisht, 13 në shqip, që kishte botimi paraardhës, i tanishmi ka 68 me përzgjedhje, 16 në frëngjisht, 8 në italisht, 6 në anglisht, 2 në gjermanisht, 1 në holandisht, 3 në spanjisht, 32 në shqip.

Burimet janë tri: a) botimet dhe ribotimet e reja në gjuhët "e pushtuara" më parë; b) botimet dhe ribotimet e mëparshme, të cilët, nuk kishim mundur t'i njëjtësonin deri atëherë; c) botimet në gjuhë të tjera, "të pushtuara" rishtas.

Në vitet 2000, 2005, 2015 kanë marrë përparësi botimet dhe ribotimet në anglisht, përkatësisht, në Britaninë e Madhe, Angli e Skoci, në SHBA, Kanada, Australi, ku kanë dalë mbi 70 tituj, më shumë se gjysma, apo, më shumë se në 35 vitet e kaluara. Kjo ka qenë stina anglo – amerikane e veprës së Ismail Kadaresë.

Denduri botimesh ka pasur në italisht, spanjisht, portugalisht. Ritmika e përshpejtuar e tyre ka ndryshuar edhe shkallaren e gjuhëve në të cilat është përkthyer. Italishtja, që ishte e nënta, është ngjitur e katërta, spanjishtja nga e teta e gjashta, portugalishtja nga e nënta e shtata.

Të dhënat krahasuese, 378 në shqip dhe 923 në 44 gjuhë të huaja, në përpjestim 1 me 2.5, tregojnë se funksioni kryesor i saj prej vitesh nuk është më në hapësirën kulturore e gjuhësore letrare shqipe, por në kultura e gjuhë të tjera, thënë ndryshe, funksioni kryesor i saj është ai gjithësor/universal.

Nëpërmjet saj letërsia shqipe ka fituar një funksion të ri, që, historikisht nuk e ka pasur. Edhe me librat studimorë, në shtatë gjuhë, është shndërruar në dukuri letrare europiane.

Lista e librave të autorit Bashkim Kucuku

ALI PODRIMJA

SHPREHESI TE STRUKTURAVE

Muhamet KucukU-Cami Vepra Letratre Dhe Studime Per te

Une Krijues Dhe Vepra

Historiografi, Risi, Shformime

Kadare Ne Gjuhet E Botes

ALI PODRIMJA

SHPREHESI TE STRUKTURAVE

Muhamet KucukU-Cami Vepra Letratre Dhe Studime Per te

Une Krijues Dhe Vepra

Historiografi, Risi, Shformime

Kadare Ne Gjuhet E Botes